O Informe de Avaliación do Edificio (IEE) e o Libro do Edificio Existente (LEE) son os dous documentos básicos que toda comunidade de propietarios debe dispoñer para acceder ás axudas autonómicas e europeas para rehabilitación.
Inclúen o diagnóstico técnico completo do edificio, o certificado enerxético en estado actual e un plan de medidas de mellora priorizadas.
A redacción destes documentos adoita ser o primeiro paso antes de calquera intervención máis ampla.
Inspección e toma de datos
Visita ao edificio, recompilación de documentación existente e revisión de elementos comúns.
Diagnóstico
Análise de patoloxías estruturais, instalacións e certificación enerxética do estado actual.
Plan de mellora
Propostas priorizadas de actuación con estimación económica e cobertura de axudas.
Tramitación
Inscrición do IEE+LEE no rexistro autonómico correspondente.
- Inspección visual e toma de datos non destrutiva.
- Estudo de patoloxías e diagnóstico estrutural.
- Certificado enerxético do edificio actual.
- Plan de medidas de mellora priorizadas.
- Tramitación coa administración autonómica.
Cando é obrigatorio o IEE?
En Galicia é obrigatorio para edificios residenciais colectivos de máis de 50 anos e para acceder a axudas autonómicas ou estatais de rehabilitación.
Que inclúe o Libro do Edificio Existente?
Identificación do edificio, estado construtivo, certificado enerxético, medidas de mellora propostas e plan de mantemento.
Canto tarda a redacción dun IEE+LEE?
Entre 4 e 8 semanas desde a toma de datos, dependendo do tamaño do edificio.
É necesario facer catas ou probas destrutivas?
Non na maioría de casos. O IEE baséase en inspección visual e toma de datos non destrutiva.
O IEE dá dereito a axudas automaticamente?
Non por si mesmo, pero é un requisito previo.
¿Queres que estudemos o teu caso?
Cóntanos brevemente o teu proxecto e respondémosche en menos de 48 horas cunha proposta inicial sen compromiso.
Solicitar orzamento sen compromiso